БИШКЕК, 26-апр. — Sputnik. 27-апрелде түнкүсүн көпчүлүк аймактарда мезгил-мезгили менен жаан жаап, тоолуу райондордо кар жаашы күтүлөт. Бул тууралуу Кыргызгидромет маалымдады.
Тоолуу райондордо жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир райондорунда 15-20 метрге жетиши мүмкүн.
Абанын температурасы Чүйдө +14…+19, Таласта +12…+17 градус, Ош, Жалал-Абад жана Баткен облустарында +15…+20, Ысык-Көл жана Нарын жергесинде +11…+16 градус жылуу болот.
Бишкек жана Ош шаарларында түнкүсүн мезгил-мезгили менен жаан жааса, күндүз күн ачык болот. Абанын температурасы Ошто +19…+21, Бишкекте +16…+18 градуска жетет.
