БИШКЕК, 30-апр. — Sputnik. Бүгүн Россиянын Кыргызстандагы элчилигинде Рейхстагга илинген Жеңиш туусуна окшоштурулуп жасалган желекти Бишкек шаардык кеңештин депутаттарына жана "Өлбөс полк" акциясынын уюштуруучуларына тапшыруу аземи өттү.
Мындай иш-чара республикада биринчи жолу өтүп жатканы айтылат.
"Кыргызстанда Улуу Ата Мекендик согуштун баатырларына өзгөчө көңүл бурулат. Миңдеген киши "Өлбөс полк" акциясына чыгат. Биз бул иш-чарага кошумча маани берүүнү чечтик", — деди РФ элчиси Николай Удовиченко.
Бишкектен тышкары митинг-реквиемдин Кыргызстандын 32 шаарында өтөрү пландалып жатат.
Жеңиш күнү борбор калаада концерт жана совет маалындагы аскердик техниканын көргөзмөсү өтмөкчү.
