БИШКЕК, 19-май — Sputnik. 20-майда өлкөнүн кээ бир аймактарында жаан жаап, күн күркүрөшү, бийик тоолуу өрөөндөрдө кар жаашы күтүлөт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Билдирүүгө ылайык, абанын температурасы Чүй облусунда +25…+30, Таласта +23…+28 градус ысык болот.
Ысык-Көлдө күндүн табы +16…+21 градуска көтөрүлсө, Нарында +14…+19 градуска жетет.
Ош, Баткен жана Жалал-Абад облустарында абанын температурасы +26…+31 градус ысык болушу күтүлөт.
20-майда Бишкек жана Ош шаарлары боюнча күн ачык болот. Батыштан соккон шамалдын ылдамдыгы секундасына 4-9 метрге жетет.
Ош калаасында күндүн табы +28…+30 градуска көтөрүлсө, Бишкекте +27…+29 градуска жетет.
