БИШКЕК, 30-май — Sputnik. "Кыргызтелеком" ААКнын директорлор кеңеши коллективге башкармалык төрагасы Эшмамбет Аматовду тааныштырды.
Аматовду бул кызматка дайындоо чечими 30-майда директорлор кеңешинин жыйынында кабыл алынган. Кеңештин мүчөлөрү Аматов менен компаниянын жамаатына ийгилик каалашты.
Эшмамбет Аматов 1971-жылдын 14-мартында Ош облусуна караштуу Алай районундагы Гүлчө айылында төрөлгөн.
"Кыргызтелекомдо" 14 жыл бою түрдүү кызмат орундарын ээлеп келген.
