БИШКЕК, 10-июн. — Sputnik. Жалпы республикалык тестирлөөнүн жыйынтыгы боюнча жогорку окуу жайларга кабыл алуу үч этап менен жүрөт. Алар качан баштала турганын Билим берүү жана илим министрлиги тактады.
Ага ылайык, I тур 8-июлдан 13-июлга чейин болот.
8-10-июль – талондорду таштоо;
10-июлда саат 14.00дө талондорду таштоо аяктайт;
11-июлда саат 10.00дө абитуриенттердин тизмеси илинет;
11-13-июль жогорку окуу жайга тапшыруу үчүн документтер кабыл алынат.
II тур
15-17-июль — талондорду таштоо;
17-июлда саат 14.00дө талондорду таштоо аяктайт;
18-июлда саат 10.00дө абитуриенттердин тизмеси илинет;
18-20-июлда жогорку окуу жайга тапшыруу үчүн документтер кабыл алынат.
III тур (Билим берүү жана илим министрлигинин уруксаты менен өтөт)
22-24-июль — талондорду таштоо;
24-июлда саат 14.00дө талондорду таштоо аяктайт;
25-июлда саат 10.00гө чейин абитуриенттердин тизмеси илинет;
25-27-июлда жогорку окуу жайга тапшыруу үчүн документтер кабыл алынат.
Билим берүү жана илим министрлиги университеттерге өтүү үчүн босого баллды аныктады.
