Билим берүү жана илим министрлигинин маалыматына ылайык, учурда Кыргызстандагы жогорку окуу жайларда дүйнөнүн 64 мамлекетинен келгендер окуйт. Алардын басымдуу бөлүгү - Индия, Пакистан, Казакстан, Өзбекстан, Тажикстан жана Россиянын жаштары.
Чет элдиктердин айрымдары өзү окуган университетке жыл сайын 20 миң сомдун тегерегиндеги акча төлөсө, дагы биринин келишим баасы 440 миң сомго жетет.
Ошондой эле өкмөт аралык келишимдердин негизинде жыл сайын Казакстандан беш, Белоруссиядан 10 студент келип акысыз окуйт. Андан сырткары, этникалык кыргыздарга жылына 75 бюджеттик орун берилет.
