БИШКЕК, 29-июн. — Sputnik. Sputnik Кыргызстан агенттиги республика аймагындагы коррупцияга байланыштуу кылмыш иштерине кызыгып көрдү.
Ушул жылдын беш айында Экономикалык кылмыштарга каршы күрөшүү мамлекеттик кызматы сотко чейинки 328 өндүрүш баштаган. Ал эми УКМКнын Коррупцияга каршы күрөшүү кызматы 1906, прокуратура органдары 328 коррупциялык жана кызматтык кылмыш ишти тергеген.
Өткөн жылы аталган үч орган коррупциялык мүнөздөгү үч миңге жакын кылмыш ишин козгоп, мамлекетке 3 миллиард 490 миллион 113 миң сомдон ашык зыян келтирилгендигин аныктаган.
Ошол эле кылмыш ишин негизсиз токтоткон, кыскартып мыйзам бузган прокуратура органдарынын 40 кызматкери, ИИМдин тогуз, коопсуздук кызматынын беш, Финполдун алты тергөөчүсү тартиптик жазага тартылган.
