БИШКЕК, 1-июл. — Sputnik. Конституциялык палатага жаңы төрага жана анын орун басары дайындалды. Бул тууралуу аталган мекеменин маалымат кызматы кабарлады.
Буга мурдагы жетекчиликтин мөөнөтү аяктаганы себеп болгон.
1-июлдан тарта кызматка киришкен жаңы жетекчиликтин курамы:
- Төрага — Карыбек Дүйшеев;
- Орун басары —Эмил Өскөнбаев (буга чейин Кубанбек Кыргызбаев болчу);
- Катчы-судья — Меергүл Бобукеева (өз ордунда калды).
Эске салсак, Конституциялык палатанын жетекчилиги үч жылга шайланат. Буга чейинки төрага Эркинбек Мамыров 2016-жылдын 1-июлунан ушул жылдын 30-июнуна чейин иштеди.
Карыбаев аталган палатага судья болуп 2019-жылдын 20-июнунда гана дайындалган. Баса, ал 2013-2014-жылдары Жогорку Кеңештин ошол кездеги төрагасы, депутат Асылбек Жээнбековдун кеңешчиси болгон.
