БИШКЕК, 27-авг. — Sputnik. Алматы — Бишкек трассасындагы жол кырсыктан Кыргызстандын жараны каза тапты. Бул тууралуу Тышкы иштер министрлигинен кабарлашты.
Toyota ist жана Toyota Camry унаалары 25-август күнү жолдун 132-чакырымында кагышкан. Кырсыктын кесепетинен эки адам жабыркап, Узынагаш айылындагы Жамбыл райондук ооруканасына жаткырылган.
Алматы облусунун полиция департаменти 27 жаштагы кыргызстандык киши кечээ, 26-августта, көз жумганын кабарлаган. Кыргызстандын Алматыдагы Башкы консулдугу маркумдун сөөгүн мекенге жөнөтүү аракеттерин көрүүдө.
Казакстандын укук коргоо органдары тергөө иштерин жүргүзүп жатканы айтылды.
