БИШКЕК, 31-авг. — Sputnik. Ысык-Көлдөн сүзүп өтүп бараткан Орус-кыргыз өнүктүрүү фондусунун төрагасы Эркин Асрандиев жоголду. Бул тууралуу анын тууганы Гүлбара Барктабасова Sputnik Кыргызстан агенттигине билдирди.
Анын айтымында, Асрандиев Тору-Айгырдан Кара-Талааны көздөй сүзүп бараткан.
"Саат 18:00дөр чамасында жоголду. Анын жанында коштоп жүргөн кайык бар болчу. Эки метрге жеткен толкун болгондон кийин аны таппай калышкан. Асрандиев буёкту байланып сүзүп бараткан", — деди ал.
Барктабасова Өзгөчө кырдаалдар министрлигинин куткаруучулары менен байланыша албай жатканын кошумчалап, тез аранын ичинде табууга жардам сурады.
Ал эми Орус-кыргыз өнүктүрүү фондусунун маалымат кызматы менен байланышууга мүмкүн болгон жок.
