БИШКЕК, 10-окт. — Sputnik. Бишкекте жол тандабас токтоп турган үч унааны коюп кетти. Окуянын видеосу Twitter тармагына жүктөлдү.
Посттун @KMerinovich аттуу автору кырсык 9-октябрь күнү Орозбеков көчөсүндө болгонун билдирди.
"Бүгүн менин эле эмес, башка унааларды дагы коюп кетти. Жигиттер катуу ылдамдыкта баратышкан окшойт. Дөңгөлөк алдында калып кала жаздаган баланы кудай өзү сактаптыр", — деп жазды ал.
Сегодня в мою, и не только мою машину врезались. При чем машины все были припаркованные.Парни ехали на скорости, видимо. Очень повезло парнишке, который чуть не попал под колеса. В рубашке родился pic.twitter.com/uCLj3UYj0q
— Cara (@KMerinovich) 9 октября 2019 г.
ЖКККББ окуя болгонун ырастап, күнөөкөр унаа ээлерине материалдык чыгымдарын төлөп бергенин маалымдады. Жабыркагандар жок.
