БИШКЕК, 27-окт. — Sputnik. Кытайдагы Sino Biopharmaceutical фармацевтикалык компаниясынын негиздөөчүлөрү уулуна ишкананын 20 пайыз акциясын белек кылды. 24 жаштагы Эрик Це эми 3,8 миллиард долларга ээлик кылып, дүйнөдөгү эң бай адамдардын катарын толуктады.
Bloomberg басылмасынын жазышынча, Эрик Це ишкананын акциясын грант катарында алган.
Белгилей кетсек, аталган мекеменин баш кеңсеси Гонконгдо жайгашкан. Бул шаардын мыйзамдарына ылайык, ири суммадагы белек берүүдө же мурас калтырууда салык алынбайт.
Sino Biopharmaceutical компаниясы Кытайдагы эң ири 20 ишкананын катарына кирет. Компания негизинен гепатит, шишик жана жүрөк кан-тамыр дартын айыктыруучу дарыларды чыгарууга адистешкен.
Bloomberg басылмасы буга чейин дүйнөдөгү эң бай үй-бүлөлөрдүн тизмесин жарыялаган болчу.
