БИШКЕК, 9-ноя. — Sputnik. Футбол боюнча Кыргызстандын курама командасы жолдоштук мелдеште Өзбекстандын командасына 1:3 эсебинде утулуп калды.
Оюн Өзбекстандын баш калаасы Ташкент шаарында болуп, 2022-жылкы дүйнө чемпионатына даярдануунун алкагында өттү.
Эске салсак, бул оюнда кыргызстандык командадан жарым коргоочу Алимардон Шукуров, коргоочу Виктор Майер жана капитан Валерий Кичин футбол ойногон жок.
Кыргыз футболчулары 14-ноябрь күнү япониялык, 19-ноябрда тажикстандык атаандаштары менен беттешет. Эки оюн тең Бишкектеги Дөлөн Өмүрзаков атындагы стадиондо болот.
