Футбол федерациясы Бишкектеги Эски аянтта күйөрмандар үчүн атайы аянтча уюштуруп, беттеш түз эфирде чоң экрандан көрсөтүлөт.
Оюн учурунда болгон бардык кызыктардын сүрөт, видеосун Sputnik Кыргызстан агенттигинин тексттик трансляциясынан көрүңүздөр.
Дөлөн Өмүрзаков атындагы стадионго келген күйөрмандар оюн аяктагандан кийин футболчуларга ыраазычылык билдиришти.
Күйөрмнадар болбой эле командага колдоо көрсөтүп кол чаап жатат.
Кыргызстан менен Япониянын курамаларынын беттеши 0:2 эсебинде күн чыгыш өлкөсүнүн оюнчуларынын пайдасына чечилди. Япон оюнчулары биринчи таймда бир гол, экинчи таймда дагы бир гол киргизишти.
Негизги убакытка кошумча 3 мүнөт кошулуп берилди.
Фан-аймакка чогулгандар дагы акивдүүлүгүн көрсөтүп жатат.
Кыргызстандык оюнчулар өз чеберчилигин көрсөтүүдө. Экинчи таймда алар чабуулга өтүп, гол киргизүү аракетин көрүп жатат.
Дагы аз жерден атаандаштарга гол кирип кете жаздады.
Кыргызстандык оюнчулар атаандаштарынын дарбазасынын алдында кооптуу абал жаратты.
Сиздин оюңузча беттеш кандай жыйынтык менен аяктайт?
Кыргызстан — Япония беттеши менен бирге эле Мьянма командасы өз үйүндө Тажикстандын курама командасын кабыл алууда. Оюн 4:3 эсебинде Мьянманын пайдасына чечилди.
53-мүнөттө япон оюнчулары экинчи голун киргизди.
Мирлан Мурзаевге дарыгерлер жардам көрсөтүп жатат.
Кабарчыбыз стадиондогу күйөрмнадардын маанайы кандай экенин кабарлап жатат.
"Күйөрман: үшүп баштадым, биздикилер біир гол киргизсе ысып чыгат элем"
Экинчи тайм башталды. Оюндун башында эле топ четке чыгып, бурчтан топ тебилди.
Коомдук тартипке көз салган милиция кызматкерлери стадионго тосмону ашып кирүүгө аракет кылган күйөрманды кармашты. Кабарчыбыздын жеринен билдиришинче, күйөрман укук коргоо органдарынын эскертүүсүнө теригип, погонун жулуп салган.
Кыргызстан — Япония футболдук мелдешин КТРК Спорт каналы түз алып көрсөтүүдө. Оюнду казак, япон операторлору тартып жатканы маалым болду. Ал эми техника жана инженерлер Коомдук биринчи каналдыкы.
Биринчи таймдын жыйынтыгы менен Япониянын курама командасы 1:0 эсеби менен алдыда.
Кыргызстандын дарбазасына гол кирген учур. Фан-зонадагы күйөрмандар
Кабарчыбыздын жеринен билдиришинче, стадиондогулардын кадимкидей духу түшүп калды. Унчуккан киши жок.
Япониялык оюнчулар пенальти тээп гол киргизди. Учурда оюн эсеби 1:0. Япониянын курама командасы алдыда.
Күйөрмандар адилетсиз гол деп үшкүрүнүп калды.
Япониялыктар пенальти тепмей болушту.
Гол кирбей калганда элдин шаабайы сууй түштү
Белгилей кетсек, F тайпасында Япония, Кыргызстан, Тажикстан, Монголия, Мьянманын командалары бар.
Күйөрмнадар кыргыз футболчуларына колдоо катары телефондорунун жарыгын жандыра башташты.
Кыргызстан — Япония беттеши менен бирге эле Мьянма командасы өз үйүндө Тажикстандын курама командасын кабыл алууда. Оюн ушу тапта жергиликтүү команда 3:2 эсеби менен алдыда.
Фан-клубдун аймагында миңдеген көрүүчүлөр орнотулган монитордон көздөрүн албай тиктеп турганын, топ япондордун дарбазасына жакындаганда кол чаап, ышкырып жиберип жатканын көрүүгө болот. Көз албай тиктегендердин арасында милиция кызматкерлери турат. Бейчеки басып жүргөн киши жок.
Фан-аймакка келген күйөрмандардын саны уламдан-улам өсүп жатат.
Оюнга кечигип калган күйөрмандар чуркап келе жатат.
Кыргызстандын дарбазасына гол кирбей калганда күйөрмандар атаандашка гол киргендей сүйүнүштү
Япониялыктардын чабуулу аз жерден алардын пайдасына чечилип кала жаздады. Кыргызстандын дарбазачысы Кутман Кадырбеков топту тоскондо колунан түшүп кетти. Бактыга жараша оюнчулардын бири топту алыска тээп курамасын сактап калды.
Кирбей калган голго стадион "жарылып" кете жаздады.
Бишкектин чок ортосунан орун алган стадиондон барабандын кагылганын, ышкырык, кыйкырык жана колдогон үндөрдү угууга болот, ал тургай жер тепкилеп жиберген учурларды көрөсүз.
Ал арада фан-зонада да күйөрмандар көп. Айрым учурда алардын сүрөөнү трансляциядан да өтүп жаңырууда. Стадиондон айырмасы жок.
Кооптуу абал жаралып, Кыргызстандын дарбазасына топ кирип кете жаздады. Топ кирбей калганда күйөрмандар сүйүнгөнүнөн кучакташып ийишти.
Оюн болуп көрбөгөндөй катуу күү менен башталды. Стадиондогу элди толкун менен салыштырууга болот. Топ япондордун дарбазасына жакындаган сайын стадион жарылып кетчүдөй болууда.
Топ атаандаштарда.
КР футболчулары бир канча ирет чабуул коюп, мыкты даярдыгын көрсөтүп жатышат. Оюндун 13-мүнөтү аяктоодо.
Аз жерден гол кирбей қалганда күйөрмандар ыйлап жибере жаздады. Топ кыргызстандыктарга тиери менен стадион тура калып жатат.
Кыргызстандык оюнчулар кызыктуу оюн көрсөтүүдө. Атаандаштардын дарбазасынын алдынан гол киргизүүгө мүмкүнчүлүк болбой калды.
Оюн абдан кызуу жүрүп жатат. Кыргызстандык оюнчулар үстөккө-босток чабуулга өтүп, бирок андан азырынча майнап чыга элек.
Оюнду Сауд авариялык калыс тейлеп жатат.
Фан-зонадагы күйөрмандар кыргыз футболчуларын сүрөп жатышат. Колдоочулардын саны 300гө чукулдайт.
Стадиондун ичиндеги маанайга күбө болуңуз.
Дөлөн Өмүрзаков стадионунун алдындагы маанай кандай экенин бул видеодон көрүңүз.
Биздин дарбазачылар Кутман Кадырбеков менен Павел Матяшь
Өзгөчө күйөрмандардын өзгөчө видеосу
Аскердик кызматын бүгүн эле бүткөн жигиттер да футбол көргөнү келген. Алар аскер бөлүгүнөн чыгып футбол көрүп, анан үйүнө кетүүнү чечишкенин айтышты
Күйөрмандар оюндан кандай жыйынтык күтүп жатканын жазышууда.
Биздин команданын баштапкы курамы ушундай.
Ал ортодо эски аянтка күйөрмандар акырындык менен чогулууда.
Бул жерде чоң экран орнотулуп, мелдеш түз алып көрсөтүлөт.
Стадиондун ичинде дагы беттешке даярдыктар көрүлүүдө. Тактап айтканда журналисттер аппаратурасын иреттеп, текшерип жатат.
Сиз кимге жан тартасыз? Комментарийге жазыңыз.
Сиздин божомол кандай?
Болжол менен 200-250дөй япон күйөрмандары келди.
Футбол көргөнү келген күйөрмандардын сүрөттөрү
Стадиондо кайда отура турганыңызды карап алыңыз.
Күйөрмандардын жоон тобу борбордук "Ала-Тоо" аянты аркылуу стадионду көздөй кетти.
Оюн учурундагы коопсуздукту сактоого милиция кызматкерлерине ыктыярчылар да жардам берет
Фрунзе менен Тоголок Молдо көчөлөрүнүн кесилишинде токтоп турган машиналарды эвакуатор жүктөп кетип жатат.
Кабарчыбыздын жеринен билдиришинче, стадиондун жанындагы алып-сатарлар билеттерди 400 сомдон 600 сомго чейин сатышууда. Андан сырткары күйөрмандар үчүн ар кандай атрибуттар да сатылууда.
Бишкек шаардык ички иштер башкармалыгынын жетекчисинин орун басары Эрлан Атантаев оюн маалында 3 миңден ашык милиция кызматкери коопсуздукка көз саларын айтты.
"Тазалык" ишканасы да оюнга даярдык көрүүдө.
Эски аянтта күйөрмандар үчүн атайын чоң экран орнотулуп, ошол жерден беттеш түз алып көрсөтүлөт.
Урматтуу достор! Футбол боюнча Кыргызстан менен Япониянын курама командаларынын беттешинин тексттик трансляциясын баштайбыз.
Оюн бүгүн,14-ноябрда, саат 17:15те Дөлөн Өмүрзаков атындагы стадиондо башталат.
Оюнчуларга ийгилик каалайбыз. Кана эмесе, кеттик!
