БИШКЕК, 16-ноя. — Sputnik. Талас облусунда адам өлтүрүүгө шектелип үч киши кармалды. Бул тууралуу Sputnik агенттигине аймактык ИИБден билдиришти.
Маалыматка караганда, 14-ноябрь күнү Орто-Арык айылындагы тоо этегинен 26 жаштагы кыздын сөөгү табылган. Факты боюнча Кылмыш-жаза кодексинин 130-беренеси ("Адам өлтүрүү") боюнча кылмыш иши козголгон.
Учурда шектүүлөр колго түштү, экөө 20 жашта болсо, бирөө 25те. Үчөө тең убактылуу кармоочу жайга киргизилди.
Шектүүлөр Орто-Арыкта жашашат. Учурда соттук-медициналык экспертиза дайындалып, тергөө жүрүп жатат.
