БИШКЕК, 16-ноя. — Sputnik. 17-ноябрь, жекшемби күнү, күндүз Ош, Баткен облустарынын тоолуу райондорунда кар жаайт, калган аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Билдирүүгө ылайык, абанын температурасы Таласта +7…+12, Чүй менен Ысык-Көлдө +5…+10, Нарын жергесинде +4…+9, Ош, Баткен жана Жалал-Абад облустарында +8…+13 градус жылуу болот.
Ал эми Бишкек жана Ош шаарларында күн ачык болуп, күндүн табы борбор калаада +8…+10 градуска жетсе, Ошто термометрдин көрсөткүчү +11…+13 градуска чейин көтөрүлөт.
