БИШКЕК, 5-дек. — Sputnik. Өзбекстандын канайымы Зироатхон Мирзиёева 4-декабрь күнү туулган күнүн белгиледи. Бул тууралуу Sputnik Өзбекстан жазды.
Биринчи болуп апасын улуу кызы Саида куттуктады. Ал өзүнүн Instagram баракчасына апасына бакыт жана ден соолук тилеген постун жайгаштырган.
Посмотреть эту публикацию в Instagram
"Ар дайым ден соолукта болуңуз. Сиз биз үчүн чоң бакытсыз!" — деп жазды ал.
Биринчи айымды социалдык тармак колдонуучулары дагы куттуктап, узак өмүр жана жагымдуу көз ирмемдерди каалашты.
"Туулган күнүңүз менен! Түгөнбөгөн кубаныч жана бакыт каалайм", — деп жазды @ziyodahon.u080 аттуу колдонуучу.
Ал ортодо куттуктоолорго коңшу өлкөлөрдүн жарандары дагы кошулду.
"Кандай сулуу канайым! Коңшу өлкөгө гүлдөп-өнүгүү каалайбыз. Казакстандан салам!" — деди @solpan_s.
Зироатхон Мирзиёева Фергана өрөөнүнүн Кокон шаарында төрөлүп-өскөн. Кесиби боюнча инженер-экономист. Ал Ташкенттеги Ирригация жана мелиорация институтунда окуган. Бирок учурда кесиби боюнча эч жерде иштебейт, үй кожойкеси. Биринчи айымдын туулган жылы боюнча маалыматтар ачык булактарда кездешпейт.
