БИШКЕК, 31-дек. — Sputnik. "Кыргызстандын улуттук электр тармагы" ишканасынын энергетиктери жаңы жылдык майрамдарда күчөтүлгөн тартипте иштейт. Бул туурасында компаниянын маалымат кызматынан билдиришти.
Штаттан тышкаркы убактарда күтүүсүз кырдаалдарды жөнгө салуу үчүн ыкчам авариялык-ремонттук схема даярдалып, авариялык бригада беленделген.
"Майрам күндөрү компаниянын кызматкерлери нөөмөткө турушат. Ишкана объектилеринин күзөтү да күчөтүлүп, коопсуздук үчүн кызматтык жана өндүрүштүк подстанциянын имараттары текшерилүүдө", — деп айтылат маалыматта.
Ошондой эле байланыш каналдарынын иши, ведомство алдындагы объектилердин телемеханиктери, мобилдик байланыштар текшерилип жатканы кошумчаланды.
