БИШКЕК, 1-янв. — Sputnik. Түн жарымында Сузактын аймактык ооруканасында (Жалал-Абад облусу) кыз бала, ал эми Оштун Кара-Суу районунда уул төрөлгөн. Бул туурасында Саламаттык сактоо министрлигинен кабарлашты.
Акыркы маалыматтарга караганда, Кыргызстанда 261 ымыркай жарыкка келсе, алардын 133ү эркек, ал эми 128и кыз болду.
Кеп 31-декабрдагы саат 8:00дөн 1-январдагы саат 8:00гө чейин болууда.
Бишкек боюнча 67 эне төрөгөн, 34 кыз бала, уул балдар – 34. Алардын бири - эгиздер. Жаңы жылдагы биринчи ымыркай саат 00:30да Эне жана баланы коргоо боюнча улуттук борбордо жарыкка келди.
Ал эми республика боюнча үч эгиз — Ош жана Ысык-Көл аймактарында, Бишкек шаарында төрөлдү.
Бөбөктөр эң көп туулган аймак – Жалал-Абад облусу болуп, алардын саны 80 экени айтылды.
