БИШКЕК, 20-янв. — Sputnik. Борбор калаада грэпплингдин UWW (Бириккен күрөш дүйнөсү — ред.) версиясы боюнча Кыргызстандын чемпионаты өтөт. Бул туурасында аталган федерациядан кабарлашты.
Мелдеш 8-9-февраль күндөрү Арча-Бешиктеги "Газпром" ден соолукту чыңдоо комплексинде болот.
Турнир эркектер жана кыздар арасында бир нече жаш курак боюнча өткөрүлөт:
- Окуучулар — 14-15 жаш;
- Кадеттер — 16-17 жаш;
- Жаштар — 18-19 жаш;
- Чоңдор — 20-35 жаш;
- Чеберлер — 35 жаштан жогору.
Кыргызстандын биринчилигинде мыкты жыйынтык көрсөткөндөр Филиппиндеги Азия чемпионатына жана Сербиядагы дүйнө биринчилигине катыша алары кошумчаланды.
