БИШКЕК, 1-фев. — Sputnik. Узаган 2019-жылы милиция кызматкерлерине карата 63 кылмыш иши козголгонун Ички иштер министрлигинин маалымат кызматы билдирди.
"Коррупция (27), кызматтык абалынан кыянаттык менен пайдалануу (22) жана эки алдамчылык фактысы боюнча сотко чейинки өндүрүш иши ачылган", — дешти милициядан.
Ошондой эле 30дан ашуун жетекчиге эскертүү жана тартип жазалары берилген. Эми биринчи чейректин жыйынтыгы менен алардын ишмердүүлүгү карала турганы белгиленди.
Ал эми коомдук тартипти сактоодо жана кылмыштуулукка каршы күрөшүүдө кемчиликтерди кетирген, берилген тапшырмаларды так аткарбаган, алдын алуу иштерин уюштура албаган беш жетекчи кызматтан бошотулду.
