БИШКЕК, 19-фев. — Sputnik. Балдарды 1-класска электрондук каттоо системасына өзгөртүүлөр киргизилди. Бул тууралуу Билим берүү жана илим министрлиги кабарлады.
Маалыматка ылайык, өткөн жылы мектепке 1-класска алгач микроучастокто жашагандар кабыл алынса, эми жаңы эреже боюнча микроучастоктордогу мектепке аталган аймакта жашагандар да, андан сырт жашагандар да баласын бир убакта каттай алат. Баланы каттоо 15-августка чейин уланат.
Бишкек шаарынан сырткары электрондук каттоо 15-февралдан тартып Кыргызстандын беш шаарында иштей баштады. Алар Ош, Жалал-Абад, Кызыл-Кыя, Токмок жана Кара-Балта калаалары.
