БИШКЕК, 27-фев. — Sputnik. Жылмаюу тартуулаган видео YouTube каналга жарыяланган.
Маңыроолугу, баладай баёолугу менен өзгөчөлөнгөн бул жаныбарлардын адатта өзүнөн-өзү убара болуп, андан сырткары аларды караган, кам көргөн адамдардын бутуна илешип, жабыша бергени менен маалым.
Бул сапар да орто чоңдуктагы пандалар ветеринардын айтканына оңой менен көнө бербей, бирде далысына жабышса, бирде буттарына оролгон. Видеону карап туруп андагы жигиттин чыдамдуулугуна баа бербей коюуга болбойт. Бир нече тамчы суюктукту алардын оозуна тамчылатуу үчүн ветеринар бир топ эле убара болгон.
Sputnik Белоруссия агенттиги бул видео Кытайдын Чэнду шаарындагы чоң пандаларды изилдөө борборундагы байкоо камераларынын бирине тартылгандыгын жазды.
Буга чейин да мамлекеттик камкордукка алынган бул жаныбарлардын биринин өзү менен өзү ойноп, кызыкка батып, ал эми четте карап тургандардын жүрөгүн элжиреткен видеосу жарыяланган.
