БИШКЕК, 14-мар. — Sputnik. Казакстан мектеп окуучуларын 5-апрелде каникул аяктаган соң убактылуу дистанциялык билим берүү системасына өткөрүүнү көздөп жатат. Бул тууралуу билим берүү жана илим министри Асхат Аймагамбетовго таянып Sputnik Казакстан агенттиги жазды.
"5-апрелде мектеп каникулу аяктайт. Андан кийин биз онлайн окутууга өтүүгө даярбыз. Мугалимдер дагы үйдөн иштешет, айлыгы төлөнөт", — деди Аймагамбетов.
Министр кошумчалагандай, акыркы чечим өлкөдөгү коронавирус боюнча кырдаалга жараша кабыл алынат.
Ошондой эле өлкөдө мектеп окуучулары үчүн бардык ийрим жана кошумча билим берүү курстары 5-апрелге чейин токтотулду.
Эске салсак, учурда Казакстанда коронавирус жуктуруп алгандардын саны алтыга жетти.
