БИШКЕК, 8-апр. — Sputnik. Кыргызстанда дагы 42 адамдан коронавирус аныкталды. Бул тууралуу саламаттык сактоо министри Сабыржан Абдикаримов брифинг учурунда билдирди.
Ушуну менен COVID-19 жуктуруп алгандардын жалпы саны 270ке жетти.
"Вирус жуктуруп алгандардын ичинде 13 медицина кызматкери бар. Жалпы 42 кишинин 16сы эркек болсо, 26сы аял кишилер. Бишкекте – 10, Чүй облусунда – 2, Ош облусунда – 24, Жалал-Абад облусунда – 1, Нарын облусунда 5 учур катталды", — деди министр.
Ушу тапта өлкө ичинде абал кандай болуп жатканын Sputnik Кыргызстан агенттиги жүргүзүп жаткан тексттик трансляциядан билсеңиз болот.
