БИШКЕК, 16-апр. — Sputnik. Кыргызстан боюнча 359 703 аз камсыз үй-бүлө бар экенин Республикалык штабдан билдиришти.
Ал эми маданият, маалымат жана туризм министри Азамат Жаманкуловдун айтымында, учурда өлкө боюнча 170 миң 16 үй-бүлөгө гуманитардык жардам берилди.
"Жардам" штабы аркылуу Бишкек, Ош шаарлары, Чүй, Ош, Баткен, Жалал-Абад, Нарын, Талас, Ысык-Көл облустарындагы аз камсыз үй-бүлөлөргө азык-түлүк таратылды. Калган үй-бүлөлөргө дагы жардам берилет", — деди Жаманкулов.
Аймактардагы жакыр жашаган үй-бүлөлөрдүн саны:
- Бишкек — 49 047;
- Ош — 27 778;
- Чүй облусу — 52021;
- Ош облусу — 54 194;
- Баткен облусу — 26 641;
- Жалал-Абад облусу — 66 020;
- Нарын облусу — 23 966;
- Талас облусу — 15 068;
- Ысык-Көл облусу — 44 968.
Карантинде жардам сурап кайда кайрыларыңызды билбей жатсаңыз, Sputnik Кыргызстан даярдаган материалга баш багыңыз. Мында өлкө боюнча керектүү номерлер тизмектелген.
Өлкөдө эмне болуп жаткандыгы тууралуу Sputnik Кыргызстандын тексттик трансляциясынан таанышсаңыз болот.
Ошондой эле кабарларды ыкчам, ыңгайлуу шартта окуу үчүн Telegram-каналыбызга да баш багыңыз.
Редакция карантин убагында азык-түлүк, психологиялык жардам алуу үчүн координаттарды тизмектеген.
Мындан тышкары комендатура жана облустук штабдар менен байланыш номерлерин бергенбиз.
