БИШКЕК, 22-апр. — Sputnik. Саламаттык сактоо министринин орун басары Нурболот Үсөнбаев Бишкекте COVID-19 жуктургандардын саны эмне себептен көбөйүп жатканын түшүндүрдү.
Анын айтымында, борбор калаада обсервация жайлары жана коронавирус жуктуруп алгандар менен байланышта болгондор көп.
"Борбордо көбүрөөк көйгөй жаралып жаткандай. Аларды акырындык менен чечүүгө аракет кылып жатабыз", — деди Үсөнбаев.
Калаада коронавирус жуктуруп алгандардын саны 133кө жетти. Коронавирус көп катталган аймактардын тизмесинде Бишкек биринчи сапта турат, экинчи орунда Ош облусу.
Кыргызстанда коронавирус жалпы 612 адамдан аныкталса, 254ү айыкты. Жуктуруп алгандардын ичинен 157си медиктер. Илдет жети адамдын өмүрүн алган.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
