БИШКЕК, 11-май — Sputnik. Бишкекте бет кап тагынбай жүргөн жарандарга айып салына турганын калаа мэри Азиз Суракматов брифинг учурунда билдирди.
Анын айтымында, санитардык нормаларды бузгандарга, тактап айтканда, бет кап тагынбагандарга өзгөчө көңүл бурулат. Аларга 1000 сомдон 5000ге чейин айып салуу каралган.
Мындан сырткары Суракматов 3-апрелде санитардык-карантиндик эрежелерди бузгандарга карата катаал чара колдонуу боюнча Жоруктар кодексине өзгөртүүлөр киргизилгенин эскертти. Анын алкагында 1000 сомдон 180 миң сомго чейин айып пул салына турганын кошумчалады.
Айыптын көлөмү дарыгерлер, санитардык врачтар жана Ички иштер органдары тарабынан аныкталат.
Коронавирустун кесепети
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
