Мукар Чолпонбаев 1950-жылы 29-мартта Ысык-Көл облусунун Өрүктү айылында туулган. 1976-жылы Кыргыз улуттук университетин аяктаган. Мындан тышкары, Ташкент башкаруу жана саясат таануу институтун бүтүргөн.
Эмгек жолу:
- 1976-1984 — прокуратура органдарында иштеген;
- 1984-1991 — Кыргыз ССРинин Жогорку Кеңешинде юридикалык бөлүмдө башчынын орун басары, кийин бөлүм башчы;
- 1991-1993 — Чүй облустук юстиция башкармалыгынын башчысы, президенттин аппарат бөлүмүнүн башчысы;
- 1993-1996 — юстиция министри;
- 1995-1997 — Жогорку Кеңештин спикери.
Чолпонбаев легендарлуу парламенттин жана Жогорку Кеңештин биринчи чакырылышынын депутаты болгон.
Ал 2020-жылдын 24-майында 70 жаш курагында дүйнө салды. Экс-спикер коронавирус жуктуруп, инфекция анын бир топ ооруларын козгогон.
