БИШКЕК, 24-май — Sputnik. Абсолюттук мушкерлер уюмунун (UFC) чемпиону Хабиб Нурмагомедов эзелки атаандашы Конор Макгрегордун тарыхтагы мыкты мушкерлердин рейтингин чыгарышы боюнча үн катты.
Россиялык спортчу пикирин Twitter баракчасы аркылуу бөлүшкөн.
you tapped out in featherweight , you tapped out in lightweight and you tapped in welterweight , you never defended title in the UFC or Cage Warriors , you gave up more than GSP , Spider and Bones all together.
— khabib nurmagomedov (@TeamKhabib) May 24, 2020
you greatest @ufc fighter in twitter history.
"Сен жарым жеңил салмакта (61 кг), жеңил салмакта (66 кг) жана жарым оор салмактагы (70 кг) кармаштарда утулгансың. Ошондой эле UFC жана Cage Warriors уюмундагы чемпиондук наамдарыңды эч качан коргогон эмессиң. Жадагалса Сен-Пьер, Силва жана Жонско караганда көп утулгансың. Сен Twitter тарыхындагы UFC уюмунун зор мушкерисиң", — деген Нурмагомедов.
Буга чейин Макгрегор Twitter-аккаунтунда бразилиялык Андерсон Силваны аралаш мушташтын тарыхындагы эң мыкты мушкер деп атап, өзүн экинчи орунга койгон. Үчүнчү орунду канадалык Жорж Сен-Пьерге, кийинкини америкалык Жон Жонско ыйгарган.
GOAT THREAD.
— Conor McGregor (@TheNotoriousMMA) May 23, 2020
The array of finishes, across 2 divisions, with champion status in 1, Anderson Silva is No.1 MMA GOAT.
My array of finishes, across 3 divisions, with champion status in 2, I’m No.2. If not tied 1.
However still active, No.1 is fully secured by career end. And easily.
Хабиб Нурмагомедов менен Конор Макгрегор 2018-жылдын октябрь айында беттешип, анда россиялык мушкер чемпиондук наамын коргоп калган. Ошол убактан бери экөөнүн реванш-кармашы тууралуу көптөгөн божомолдор айтылып, бири-бирине анча жактырбаган маанайда билдирүүлөрдү калтырып келишет.
Бирок жакында эле Конор Хабибдин ооруп жаткан атасы Абдулманап Нурмагомедовго ден соолук каалап, колдоо сөзүн жазган болчу.
