БИШКЕК, 29-май — Sputnik. Бишкек шаарынын Октябрь районундагы кызматкерлердин коронавирус жуктуруп алгандыгын текшерүү иштери азыркыга чейин уланууда. Бул маалыматты Sputnik Кыргызстанга Санитардык-эпидемиологиялык көзөмөл боюнча департаменттен билдиришти.
Эпидемиолог-дарыгер Бакыт Жангазиевдин айтымына караганда, акимчиликте COVID-19 жуктургандар жок.
Анткен менен атын ачыктагысы келбеген адам коронавирус эки кызматкерден табылгандыгын, ал эми акимчилик дагы деле иштеп жаткандыгын кайрадан билдирген. Бул маалыматты Жангазиев төгүнгө чыгарды.
Кыргызстанда өткөн суткада 68 адамдан коронавирус аныкталды. Ал эми COVID-19 вирусун жуктургандардын жалпы саны 1662га жетти. Тилекке каршы, булардын ичинен 16 адам көз жумду.
Кыргызстанда кырдаал кандай нукта өнүгүп жатканын Sputnik агенттиги жүргүзгөн тексттик баяндамадан билүүгө болот.
