БИШКЕК, 30-май — Sputnik. Ош облусунда күчү 5 баллга жеткен жер титирөө катталды. Бул тууралуу Сейcмология институтунан кабарлашты.
Ага ылайык, жер бүгүн, 30-майда, болжол менен саат 10:25те титиреп, күчү очогунда беш баллга жеткен.
"Силкинүү Өзгөн районунун Шоро-Башат, Жыланды, Красный-Маяк, Кара-Дыйкан, Шералы, Мырза-Аке айылдарында 4,5 балл, Жалал-Абад, Көк-Жаңгак шаарларында, Октябрь, Сузак айыл аймактарында 3 баллга чейин сезилген", — деп айтылат билдирүүдө.
Алдын ала маалыматта боюнча, жер титирөөдөн кыйроо жана жапа чеккендер болгон эмес.
