БИШКЕК, 3-июн. — Sputnik. Калыбек Алышбаев Мамлекеттик кадр кызматынын директор орун басарлыгынан бошотулду. Бул тууралуу президенттин маалымат кызматы кабарлады.
Маалыматта ал иштен башка жумушка өткөндүгүнө байланыштуу жана "Мамлекеттик жарандык кызмат жана муниципалдык кызмат жөнүндө" мыйзамдын 2-бөлүгүнүн 47-беренеси боюнча кеткен.
Анын ордуна президент Сооронбай Жээнбеков кол койгон буйрукка ылайык, Абдулазим Курманов келип, Мамлекеттик кадр кызматынын директорунун орун басары болуп дайындалды.
Буга чейин ал президенттин жардамчысы болчу.
