БИШКЕК, 23-июн. — Sputnik. Россия лидери Владимир Путин 16 жашка чейинки балдарга июль айында дагы он миң рублдан берүүнү тапшырды. Мындай колдоо 28 миллион балага көрсөтүлөрүн РИА Новости жазды.
РФ башчысы бүгүн элге коронавирус темасында кайрылуу жасады. Анын маалымат жыйыны түз эфирден көрсөтүлдү.
Буга чейин бирге толо элек наристелерден тарта 16 жашка чейинки балдары бар ата-энелерге 270,2 миллиард рублдан ашык акча которулган. Дагы 207,5 миллиард рубль үч жаштан 16 жашка чейинки балдарга берилген. Ошондой эле үч жашка чейинки балдары бар бүлөлөр беш миң рублдан алышкан. Которулган каражаттын жалпы суммасы 62,7 миллиард рубль болду.
