БИШКЕК, 17-авг. — Sputnik. Шейшемби күнү, 18-августта, эртең менен жана күндүз көпчүлүк аймактарда мезгил-мезгили менен жаан жаап, күн күркүрөп, бийик тоолуу райондордо жамгыр карга айланат. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден кээ бир райондордо 17-22 метрге жетет.
Абанын температурасы Чүй, Ысык-Көл аймагында +21...+26, Таласта +20...+25, Ош, Жалал-Абад, Баткен облустарында +24...+29 жана Нарын жергесинде +14...+19 градус болот.
Бишкек жана Ош калаасында эртең менен жана күндүз нөшөрлүү жамгыр жаап, күн күркүрөйт. Термометрдин көрсөткүчү борборубузда +24...+26, Ошто +27...+29 градус, ал эми Чолпон-Атада +16...+18 градусту көрсөтүп турат.
