БИШКЕК, 15-сен. — Sputnik. Мамлекеттик материалдык резервдер фонду дары-дармектин 65 түрүнүн запасын камдай баштады. Бул тууралуу премьер-министр Кубатбек Боронов билдирди.
Анын айтымына караганда, учурда дарынын 27 түрүн сатып алуу үчүн 85 миллион сом каралды.
Өкмөт башчы Саламаттык сактоо министрлигинин буйругу менен COVID-19га каршы препараттардын тизмеси жаңыртылганын белгиледи.
"Дарыканаларда дары жетиштүү. Кийинкилери бүгүн, 15-сентябрда, алып келинет", — деди Боронов.
Боронов жаңы ооруканалардын курулушунан шек санап, өзү көзөмөлдөмөй болду
Кыргызстандын аймагында 44 999 адам коронавирус жуктуруп алса, анын 41 103ү сакайып, 1 063ү көз жумду.
Өлкө аймагында эпидемиологиялык абал август айынан тарта жакшырды. Анткен менен бийлик өкүлдөрү коронавирустун экинчи толкуну башталышы мүмкүн экенин айтууда.
