БИШКЕК, 4-окт. — Sputnik. Дүйшөмбү күнү, 5-октябрда, күндүз Ысык-Көл менен Нарын облусунун айрым райондорунда жамгыр жаап, тоолуу жерлерине кар түшөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө +16...+21, Талас өрөөнүндө +15...+20, Ош, Жалал-Абад, Баткен облустарында +20...+25, Нарында +13...+18 жана Ысык-Көл аймагында +12...+17 градус болору айтылды.
Күндүн табы борбор калаа Бишкекте +19...+21 жана Ош шаарында +23...+25 градуска көтөрүлөт.
