"Тирилип кеткен" муштумдай болгон канаттуу соцтармактагылардын ичинен көптөрдүн кубанычын жаратты. Бул туурасында RT жазды.
Көңүл көтөргөн видеону ирландиялык Ивонн Клиффорд аттуу аял тартып алып, жарыялаган. Окуянын эртең менен анын короосунда болгону айтылат.
Кадрдан кичинекей чымчык буттарын серейтип чалкасынан кыймылсыз жатканын, ал эми жанындагысы, кыязы түгөйү окшойт, чырылдап, айланчыктап жүргөнүн көрүүгө болот.
Таластын тургуну Кызыл китепке кирген биргазан кармап алды. Видео
"Бул байкуш канаттуу дем алыш күнү биздин үйдүн айнегине келип урунуп, жерге кулаган. Ал эми андан кийинки окуя бизди бир кечке бактылуу кылып жүрдү. Жаратылыштын өзү таңгалычтуу!" — деп жазган ал.
Шеригинин жаны сулк жаткан чымчыктын канаттарын тиштегилеп тартканынан пайда болгон эмес. Бир учурда бутунан тиштегенде, берки эсине келип, дароо столдун үстүнө конуп отуруп калган. Бир аздан соң экөө тең учуп кеткен.
Бул видеону көп адамдар социалдык тармактан бөлүшүп, окуянын финалына кубангандыктарын жазышкан.
