БИШКЕК, 4-ноя. — Sputnik. "Республика - Ата-Журт" фракциясы Жогорку Кеңештин төрагалыгына Талант Мамытовдун талапкерлигин сунуштады.
Канат Исаев спикерлик кызматтан кете турганын билдиргенден кийин "Республика - Ата-Журт" фракциясынын лидери Жыргалбек Турускулов Мамытовдун талапкерлигин көрсөтө турганын айтты.
Азырынча андан башка фракциялар талапкер сунуштай элек. Бул тууралуу кеңешүү үчүн парламентте 15 мүнөттүк тыныгуу жарыяланды.
