БИШКЕК, 5-дек. — Sputnik. Жалал-Абадда мамлекеттик аймактык ооруканага коронавирус илдети менен жаткырылган тогуз адамдын сегизинин өлүмү текшерилет. Бул тууралуу вице-премьер, Коронавируска каршы күрөшүү штабынын жетекчиси Эльвира Сурабалдиева Twitter баракчасына жазды.
Делегирование полномочий регионам - решение, которое дает больше власти, но и заставляет брать ответственность за происходящее на их участках. Часто жалобы что родня просит "проколоть, дать какие-нибудь сильные антибиотики". А ведь организму тоже надо время побороться с ковидом.
— Эльвира Сурабалдиева (@ElviraSur) December 5, 2020
Анын айтымында, бейтаптар протоколдо жазылган эреже менен дарыланган эмес.
"Коронавируска кабылган бейтаптар оорунун алгачкы стадиясында протоколду карабай эле уккан-билген антибиотик, гормоналдык дарыларды иче берет. Жалал-Абадда жеке менчик клиникадан тогуз бейтапты мамлекеттик аймактык ооруканага которушкан. Анын ичинен сегизи каза болгон. Штабда муну териштирүүгө прокуратурага тапшырма берилди. Бул чоң жаңжал", — деди Сурабалдиева.
Ошондой эле оорунун алгачкы стадиясында эле антибиотиктерди бере бербей, организмге COVID-19 менен күрөшүүгө убакыт керектигин билдирди.
