БИШКЕК, 21-дек. — Sputnik. Футбол боюнча 1986-жылдагы дүйнө чемпиону Диего Марадонанын сөөгү эксгумацияланып, атайын курулган мавзолейге коюлушу мүмкүн. Бул тууралуу The Sun билдиргенин Р-Спорт жазды.
Диего Марадона ноябрда 60 жаш курагында каза болгон.
Маалыматка ылайык, маркум футболчу бул тууралуу өлөр алдында адвокатына айтып, каалоосу тууралуу кат дагы таштап кеткен.
"Көп ойлонуп, көзүм өткөндөн кийин менин сөөгүм бальзамдалып, музейге коюлуп, уткан трофейлеримдин жана жеке буюмдарымдын арасында турса экен деген тилегимди айткым келет", — деп жазылган футболчунун катында.
Мавзолей куруу боюнча маалыматты легендарлуу футболчунун жарандык жубайы да тастыктап, бул идеяны маркумдун балдары да колдоорун айткан.
