Президенттин маалымат кызматынын жетекчиси Асканова тууралуу эмне белгилүү
11:04 02.02.2021 (Жаңыртылды: 12:24 21.01.2022)
Жазылуу
Нуркамал Асканова 1960-жылы Нарын облусуна караштуу Тянь-Шань районундагы 8-март айылында туулган.
Орто мектепти аяктагандан кийин Бишкек шаарындагы Бүбүсара Бейшеналиева атындагы искусство институтуна тапшырып, уюштуруучу-методист адистиги боюнча жогорку билимге ээ болгон.
Эмгек жолу:
- 1993 — Мамлекеттик телерадио компаниясына режиссёрдун ассистенти кызматына кабыл алынган;
- 2000-2006 — "Шок-факт" көрсөтүүсүнүн алып баруучусу жана редактору;
- 2002-2008 — укуктук багыттагы көрсөтүүлөрдүн уюштуруучусу жана режиссёру;
- 2003 — Москвадагы телекөрсөтүү кызматкерлеринин билимин өркүндөтүү институтунан таалим алган;
- 2007 — дайынсыз жоголгон жарандарды издеп, иликтеген "Кайдасың" көрсөтүүсүнүн редактору жана уюштуруучусу;
- 2013-2014 — Россиянын аймагындагы кыргыз мигранттарынын турмушун чагылдырган "Кыйырдагы кыргыздар" көрсөтүүсүнүн редактору жана уюштуруучусу;
- 2021-жылдын февраль айына чейин КТРКнын саясий-социалдык багытта иш жүргүзгөн "Маалымат" бөлүмүнүн баяндамачысы.
- 2021-жылдын 1-февралынан тарта президенттик аппараттын маалыматтык саясат бөлүмүнүн башчысы.
Сыйлыктары:
- 2003-2014 — НТРК, УТРК, КТРК ардак грамотасы;
- 2006 — ТВ отличниги;
- 2007 — "Жылдын мыкты долбоору";
- 2010 — "Мыкты журналист";
- 2015 — "Маданияттын мыкты кызматкери";
- 2019 — КР Жогорку Кеңешинин ардак грамотасы;
- 2019 — өкмөттүн ардак грамотасы менен сыйланган.
