Өмүралиев Таалайбек Барыктабасович — өмүр баяны
12:08 02.02.2021 (Жаңыртылды: 14:27 14.12.2021)
© Sputnik
Жазылуу
Таалайбек Өмүралиев 1965-жылы 2-майда Нарын облусунун Кочкор районунда туулган.
Билими:
- 1982-1986 — Маршал Конев атындагы Алматы жалпы аскердик командалык жогорку окуу жайында окуган;
- 2000 — РФ Куралдуу күчтөрүнүн Фрунзе атындагы жалпы аскер академиясын аяктаган;
- 2009 — РФ Башкы штабынын аскер академиясын бүткөн.
Эмгек жолу:
- 1987-1988 — Забайкалье аскер округунда (Россия) мотоаткычтар взводунун командири катары Афганистандагы совет аскерлеринин чектелген контингентине кирген;
- 1988-1989 — Забайкалье аскер округунда (Россия) пулемёттук взводунун командири;
- 1989-1993 — Забайкалье аскер округунда (Россия) пулемёттук ротанын командири;
- 1993-1994 — Кой-Таш айылындагы мотоаткычтар дивизиясында батальондун командири;
Тажикстандагы жарандык согуш учурунда тажик-афган чек арасын кайтаруу боюнча КР Куралдуу күчтөрүнүн батальонунун командирлеринин бири;
- 1994-1997 — КР Коргоо министрлигинин атайын дисциплинардык батальонунун командири;
- 1999 — КРдин түштүк аймагына кирип келген Ислам кыймылынын согушкерлерин жок кылууга катышкан;
- 2000 — Ош шаарындагы тоодогу мотоаткычтар бригадасынын командиринин орун басары. Ошол эле жылы Баткендеги Исфана шаарынын чек ара бөлүгүнүн командири болуп дайындалган;
- 2002-2003 — Ош чек ара отрядынын командири;
- 2003–2004 — КР Коргоо министрлигинин "Скорпион" бригадасынын командири;
- 2004 — штаб начальниги — аскерлердин Түштүк группировкасынын башчысынын орун басары;
- 2005-2006 — КР Куралдуу күчтөрүнүн Бишкектеги жогорку аскер окуу жайынын жетекчисинин орун басары;
- 2006-2007 — КР Коргоо министрлигинин күжүрмөн даярдык башкармалыгынын жетекчиси;
- 2007–2008 — Бишкектеги жогорку аскер окуу жайынын жетекчисинин окуу жана илимий иштер боюнча орун басары;
- 2009 — КР коргоо министринин орун басары;
- 2010-2011 — КР куралдуу күчтөрүнүн Генералдык штабынын начальниги — КР коргоо министринин биринчи орун басары;
- 2011-2014 — КР коргоо министри;
- 2020-жылдын 9-октябрынан тарта КР куралдуу күчтөрүнүн Генералдык штабынын начальниги;
- 2021-жылдын 6-сентябры — КР коргоо министри кызматынан бошотулду.
Аскердик наамы — генерал-майор.
