https://sputnik.kg/20210413/sadyr-zhaparov-orozo-ajy-kuttuktoo-1052110018.html
Кайрымдуулук кылалы. Жапаров Орозонун башталышы менен куттуктады
Кайрымдуулук кылалы. Жапаров Орозонун башталышы менен куттуктады
Sputnik Кыргызстан
Президент орозо ден соолукту чыңдай турган гана эмес, адамдын руханий дүйнөсүн тазарткан мээримдүүлүктүн, кечиримдүүлүктүн жана күнөөлөрдөн сактануунун айы... 13.04.2021, Sputnik Кыргызстан
2021-04-13T09:21+0600
2021-04-13T09:21+0600
2021-12-15T22:52+0600
жаңылыктар
кыргызстан
коом
садыр жапаров
орозо
куттуктоо
орозо-2021
https://sputnik.kg/img/07e4/0b/0e/1050435091_0:0:2480:1395_1920x0_80_0_0_90c7c8e5a861bb2307ea1b3b90f12136.jpg
БИШКЕК, 13-апр. — Sputnik. Президент Садыр Жапаров бүгүн, 13-апрелде, кыргызстандыктарды ыйык Орозо айынын башталышы менен куттуктады. Бул тууралуу өлкө башчынын маалымат кызматы кабарлады.Мамлекет башчысынын куттуктоосунун текстин толук беребиз:Ассалому алейкум, урматтуу мекендештер!Сиздерди мусулмандардын көптөн күткөн берекелүү Орозо айы менен чын дилимден куттуктайм.Орозо (Рамазан) — ислам дүйнөсүндөгү ыйык айлардын бири. Бул айда мусулмандардын ыйык китеби — Куран түшүрүлгөн. Орозо айында ар бир мусулманга орозо кармоо парз болуп саналат. Орозо кармоо мусулмандын ыйманын бекемдеп, аны тартипке жана Алла-Тааланын өкүмдөрүн так аткарууга үйрөтөт.Орозо — ден соолукту чыңдай турган гана эмес, адамдын руханий дүйнөсүн тазарта турган мээримдүүлүктүн, кечиримдүүлүктүн жана күнөөлөрдөн сактануунун айы, сабырдуулуктун мектеби. Себеби бир гана тамак менен суудан эмес, жаман ойлордон, ашыкча сөздөн жана суук көздөн, ушак айтуудан, жалаа жапкандан, жалган сүйлөөдөн да орозо кармоо зарыл.Орозо айы туугандар жана жакын адамдар менен мамилени бекемдөөнүн чоң мүмкүнчүлүгүн ыроолойт. Андыктан бул күндөрү муктаждарга кайрымдуулук иштерин жасоо менен башкалардын ырыскысына себеп болуу абзел. Ошондой эле бул ай ичинде Жаратканга жалынып, аруу ой-максаттар, тилектер жана ибадаттар кабыл боло турган убакыттар катылган.Орозо айында Жараткан ар бир үй-бүлөгө бакыт, береке, кубаныч жана ынтымак тартууласын. Ал эми Ыйык Мекенибизге тынчтыкты, туруктуулукту, токчулукту жана өнүгүүнү алып келсин.Орозоңуздар кабыл болсун!
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
жаңылыктар, кыргызстан, коом, садыр жапаров, орозо, куттуктоо, орозо-2021
жаңылыктар, кыргызстан, коом, садыр жапаров, орозо, куттуктоо, орозо-2021
Кайрымдуулук кылалы. Жапаров Орозонун башталышы менен куттуктады
09:21 13.04.2021 (Жаңыртылды: 22:52 15.12.2021) Президент орозо ден соолукту чыңдай турган гана эмес, адамдын руханий дүйнөсүн тазарткан мээримдүүлүктүн, кечиримдүүлүктүн жана күнөөлөрдөн сактануунун айы, сабырдуулуктун мектеби экенин белгиледи.
БИШКЕК, 13-апр. — Sputnik. Президент
Садыр Жапаров бүгүн, 13-апрелде, кыргызстандыктарды ыйык Орозо айынын башталышы менен куттуктады. Бул тууралуу өлкө башчынын маалымат кызматы кабарлады.
Мамлекет башчысынын куттуктоосунун текстин толук беребиз:
Ассалому алейкум, урматтуу мекендештер!
Сиздерди мусулмандардын көптөн күткөн берекелүү Орозо айы менен чын дилимден куттуктайм.
Орозо (Рамазан) — ислам дүйнөсүндөгү ыйык айлардын бири. Бул айда мусулмандардын ыйык китеби — Куран түшүрүлгөн. Орозо айында ар бир мусулманга орозо кармоо парз болуп саналат. Орозо кармоо мусулмандын ыйманын бекемдеп, аны тартипке жана Алла-Тааланын өкүмдөрүн так аткарууга үйрөтөт.
Орозо — ден соолукту чыңдай турган гана эмес, адамдын руханий дүйнөсүн тазарта турган мээримдүүлүктүн, кечиримдүүлүктүн жана күнөөлөрдөн сактануунун айы, сабырдуулуктун мектеби. Себеби бир гана тамак менен суудан эмес, жаман ойлордон, ашыкча сөздөн жана суук көздөн, ушак айтуудан, жалаа жапкандан, жалган сүйлөөдөн да орозо кармоо зарыл.
Орозо айы туугандар жана жакын адамдар менен мамилени бекемдөөнүн чоң мүмкүнчүлүгүн ыроолойт. Андыктан бул күндөрү муктаждарга кайрымдуулук иштерин жасоо менен башкалардын ырыскысына себеп болуу абзел. Ошондой эле бул ай ичинде Жаратканга жалынып, аруу ой-максаттар, тилектер жана ибадаттар кабыл боло турган убакыттар катылган.
Орозо айында Жараткан ар бир үй-бүлөгө бакыт, береке, кубаныч жана ынтымак тартууласын. Ал эми Ыйык Мекенибизге тынчтыкты, туруктуулукту, токчулукту жана өнүгүүнү алып келсин.
Орозоңуздар кабыл болсун!
