https://sputnik.kg/20210429/zhavelin-kompleksterinin-sany-artty-1052301221.html
АКШ Украинага жаңы курал берет. "Жавелин" комплекстеринин саны артты
АКШ Украинага жаңы курал берет. "Жавелин" комплекстеринин саны артты
Sputnik Кыргызстан
Кемеге каршы коргонуу, абадан коргонуу тутумдары жана Javelin комплекстери дагы көбөйөт... Америкалыктар Украина үчүн учуучу куралдар менен жабдуунун жаңы... 29.04.2021, Sputnik Кыргызстан
2021-04-29T16:00+0600
2021-04-29T16:00+0600
2021-12-16T22:30+0600
жаңылыктар
дүйнөдө
саясат
украина
нато
акш
курал-жарак
ракета
комплекс
согуш
https://sputnik.kg/img/07e5/04/1d/1052301174_0:0:986:558_1920x0_80_0_0_6873071a1855f7824407b89ee468ed5f.jpg
Батыш маалымат каражаттары белгилегендей, кокус Киев менен Москва аскердик жактан кагылышып кете турган болсо, бул куралдын кереги тиет. Россиянын Коргоо министрлиги машыгуулар аяктаган соң күчтөр кетерин жарыялаганы менен Пентагон чөлкөмдү аскерлештирүү мүмкүнчүлүгүнөн баш тартары арсар деп ой калчайт бул багыттагы калемгер Андрей Коц. Макаланы РИА Новости жарыялады.Аскердик шыбагаНАТОдогулар Украина үчүн Россия менен кармашпай жана Донбасска жоокер жөнөтпөй турганын так билдиргендей болушту. Анткен менен Батыш Киевге материалдык-техникалык колдоо көрсөтүүсүн уланта бермекчи.Альянстын учкуч-тыңчылары жана учкучсуз аппараттары күн сайын Кара деңизди, чектешкен чийиндерди айланып, украиналык штабга маалымат берип турушат. Донбасс Эл Республикасы жана Луганск Эл Республикасынын чалгындоо кызматы Украинанын куралдуу күчтөрүнүн окопторунан дайым чет элдик аскердик адистерди байкап калууда. Киевге сырдуу жүк менен НАТОнун аскердик-транспорттук учактары байма-бай конуп жатат. Ал эми апрелдин аягында АКШ сенатынын тышкы иштер боюнча комитети "Украина менен коопсуздук тармагындагы өнөктөштүк жөнүндөгү" эки партиялык мыйзам долбоорун кабыл алды. Ага ылайык, Киевге көрсөтүлчү аскердик жардам 300 миллион долларга чейин көбөйтүлөт. Вашингтондогу украиналык элчи Оксана Макарова социалдык медиада кабарлагандай, бул каражатка учуучу куралдар сатып алынмакчы.The Wall Street Journal басылмасы Пентагон Украинага абадан коргонуу каражаттарын, кемеге жана танкка каршы ракеталарды, ыкчам-тактикалык сокку уруучу комплекстерди берерин маалымдайт. Кыйла татаал куралдарды жайгаштырарын, аларды батыш адистери башкарары айкын, анткени украиналык аскер кызматкерлерин азырынча буга даярдаша элек. Демек, болжолдуу куралдуу жаңжалда баары бир Украинанын куралдуу күчтөрү тарапта альянстын чакан контингенти болору бышык.Киев бийлиги мындай шыбаганы алары менен дагы талап кылууга өттү. Украинанын тышкы иштер министри Дмитрий Кулеба Рейтер агенттигине берген маегинде АКШ мамлекеттик катчысы Энтони Блинкенден радиоэлектрондук күрөштүн заманбап каражаттары менен камсыздоого көмөктөшүүнү өтүнгөнүн жашырбады. Анын айтымында, бул "Украиналык коммуникацияны бөгөттөп кое ала турган Россиянын мүмкүнчүлүктөрүнө каршы туруу үчүн" зарыл. Анан да адистердин көбү Донбасска батыштын радиоэлектрондук күрөш каражаттары жайгаштырылганын айтышат. Атап айтканда, аскердик эксперт Алексей Леонков Киевге шашылыш түрдө жүк ташуучу борттор менен дал ошол каражаттар ташылып жатат деп эсептейт.Таанылбаган республикалардын Элдик милицияларынын жакындагы эле "ЕККУ миссиясынын учкучсуздары абага көтөрүлө албай, башкаруучу сигналдар украиналык тараптан басылып" жатканы туурасындагы билдирүүлөрү муну кыйыр түрдө тастыктап тургандай.Көбүрөөк ракетаДонбасста кокус кырдаал курчуп кетсе Вашингтон Украинанын куралдуу күчтөрүнө бере турган куралдарын азырынча так атай элек. Кыязы, Пентагон Украинанын абадан коргонуу тутумун Patriot зениттик-ракеталык комплекстери менен жабдыйт көрүнөт. Киев аларды сурап жүргөнүнө көп болду.Апрелдин ортосунда украиналык президенттин башкы кеңсесинин жетекчиси Андрей Ермак Кошмо Штаттардан Украинага "Патриотторду" жайгаштырууну талап кылгандай эле болду. Ошону менен бирге эле Украинанын куралдуу күчтөрү коргонуу тутумун "бүтүндөй Батыш үчүн" Россияга каршы кармап келерин жар салды. Мындан тышкары, киевдик бийликтин пикиринде бир нече америкалык зениттик-ракеталык комплекстер дивизиону НАТОго кирүү процессин тездетмек.Кемеге каршы коргонуу ракеталарынан Пентагон Украинага Harpoon бирдигин бериши мүмкүн. Учуш ыраактыгы — 280 чакырым. Эске салсак, РФтин Кара деңиз флотунун кемелери эки миң чакырымдан ашуун аралыктан "Калибр" ракеталары менен залп ата алат. Ошондой эле ок атуу аралыгы 270 чакырымдан ашпаган америкалык HIMARS ыкчам-тактикалык комплекстери бөлүнүшү мүмкүн. Бул дагы 500 чакырымдан бутасын кыйраткан россиялык "Искандер-М" ыкчам-тактикалык ракеталык комплекстерине караандабайт. Булардан тышкары, Украинанын Куралдуу күчтөрүнө танкка каршы коргонуучу үчүнчү муундагы Javelin комплекстери дагы келет. Буга акча каралган.Жети жыл бою тынбай жабдып...Америкалыктар Донбасста жарандык согуш тутангандан тарта Украинанын Куралдуу күчтөрүн активдүү жабдып келет. Эгер ок атуучу куралдар үчүн ок-дары, зооттолгон техниканын тетиктери негизинен мурдагы соцлагерге кирген өлкөлөрдөн келсе, мүмкүн болгон кошумча жабдуулар жана атайын техникалар эң оболу Кошмо Штаттардан сатып алынат.Эң башта Вашингтон учпай турган өндүрүмдөрдү берүү менен чектелген. 2014-жылы Киев эки миңдин тегерегиндеги бронежилет, жыйырма AN/TPQ-48A контрбатареялык күрөш станцияларын, HMMWV 35 зооттолгон автомобиль жана талаа госпиталын алган.2015-жылы — 130 "Хаммер" жана ыкчам жүрүүчү катерден беш бирдикке ээ болгон. 2016-жылы — 14 радиолокациялык станция, эки миңден ашуун түндө көрүүчү жабдыктар, медициналык эвакуациялык варианттагы беш HMMWV зооттолгон автомобилин, RQ-11B Raven жеңил учкучсуз аппаратынан 24 комплект, ал эми 2017-жылы дагы 40 "Хаммер" жана 700 чакты радиостанция алган. 2018-жылы Пентагон Украинага учуучу — танкка каршы коргонуучу 35 FGM-148 Javelin ракеталык комплексин жана ага 210 ракета тапшырган. Анткен менен фронтко алар жете элек. Америкалыктардын айтымында, бул комплекстер жаңжалдашкан тараптар чектешкен чийиндерде пайдаланылбашы керек, ошондой эле толук кандуу "россиялык агрессия" башталса гана ташталышы кажет."Жавелиндерден" сырткары, 2018-жылы Пентагон Украинанын Куралдуу күчтөрүнө 2,5 миң жабдык, мина издөөчү каражаттардын партиясын, эвакуациялык "Хаммерлерди", үч контрснайпердик күрөш каражаты, ошондой эле 30 жолтандабас, эки радиолокациялык станция жана тогуз миллион долларга медициналык жабдуу берген. 2019-жылы да ошол эле деңгээлде, жалпы 361 миллион долларлык колдоо көрсөтүлгөн.2020-жылы Вашингтон бул багытка 510 миллион сарптады. Украинага "Жавелиндердин" жаңы партиясы келди. Булардан тышкары, былтыр сентябрда АКШ Мамлекеттик департаменти Киевге 600 миллион долларга Mark VI күзөтүүчү катерлеринен 16 бирдик сатууга уруксат берген. Бирок алар качан тапшырылары айтылган жок.
https://sputnik.kg/20210428/putin-kajsy-zherge-kyzyl-chijin-chijgenin-batysh-zhakshy-bilet-1052287945.html
https://sputnik.kg/20210409/rossiyaga-kim-chagymchylyk-zhasoodo-1052054983.html
https://sputnik.kg/20210428/sergej-lavrov-menen-maek-1052292910.html
украина
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, дүйнөдө, саясат, украина, нато, акш, курал-жарак, ракета, комплекс, согуш, россия
жаңылыктар, дүйнөдө, саясат, украина, нато, акш, курал-жарак, ракета, комплекс, согуш, россия
АКШ Украинага жаңы курал берет. "Жавелин" комплекстеринин саны артты
16:00 29.04.2021 (Жаңыртылды: 22:30 16.12.2021) Кемеге каршы коргонуу, абадан коргонуу тутумдары жана Javelin комплекстери дагы көбөйөт... Америкалыктар Украина үчүн учуучу куралдар менен жабдуунун жаңы планын иштеп чыгууда.
Батыш маалымат каражаттары белгилегендей, кокус Киев менен Москва аскердик жактан кагылышып кете турган болсо, бул куралдын кереги тиет. Россиянын Коргоо министрлиги машыгуулар аяктаган соң күчтөр кетерин жарыялаганы менен Пентагон чөлкөмдү аскерлештирүү мүмкүнчүлүгүнөн баш тартары арсар деп ой калчайт бул багыттагы калемгер Андрей Коц. Макаланы
РИА Новости жарыялады.
НАТОдогулар Украина үчүн Россия менен кармашпай жана Донбасска жоокер жөнөтпөй турганын так билдиргендей болушту. Анткен менен Батыш Киевге материалдык-техникалык колдоо көрсөтүүсүн уланта бермекчи.
Альянстын учкуч-тыңчылары жана учкучсуз аппараттары күн сайын Кара деңизди, чектешкен чийиндерди айланып, украиналык штабга маалымат берип турушат. Донбасс Эл Республикасы жана Луганск Эл Республикасынын чалгындоо кызматы Украинанын куралдуу күчтөрүнүн окопторунан дайым чет элдик аскердик адистерди байкап калууда. Киевге сырдуу жүк менен НАТОнун аскердик-транспорттук учактары байма-бай конуп жатат. Ал эми апрелдин аягында АКШ сенатынын тышкы иштер боюнча комитети "Украина менен коопсуздук тармагындагы өнөктөштүк жөнүндөгү" эки партиялык мыйзам долбоорун кабыл алды. Ага ылайык, Киевге көрсөтүлчү аскердик жардам 300 миллион долларга чейин көбөйтүлөт. Вашингтондогу украиналык элчи Оксана Макарова социалдык медиада кабарлагандай, бул каражатка учуучу куралдар сатып алынмакчы.
The Wall Street Journal басылмасы Пентагон Украинага абадан коргонуу каражаттарын, кемеге жана танкка каршы ракеталарды, ыкчам-тактикалык сокку уруучу комплекстерди берерин маалымдайт. Кыйла татаал куралдарды жайгаштырарын, аларды батыш адистери башкарары айкын, анткени украиналык аскер кызматкерлерин азырынча буга даярдаша элек. Демек, болжолдуу куралдуу жаңжалда баары бир Украинанын куралдуу күчтөрү тарапта альянстын чакан контингенти болору бышык.
Киев бийлиги мындай шыбаганы алары менен дагы талап кылууга өттү. Украинанын тышкы иштер министри Дмитрий Кулеба Рейтер агенттигине берген маегинде АКШ мамлекеттик катчысы Энтони Блинкенден радиоэлектрондук күрөштүн заманбап каражаттары менен камсыздоого көмөктөшүүнү өтүнгөнүн жашырбады. Анын айтымында, бул "Украиналык коммуникацияны бөгөттөп кое ала турган Россиянын мүмкүнчүлүктөрүнө каршы туруу үчүн" зарыл. Анан да адистердин көбү Донбасска батыштын радиоэлектрондук күрөш каражаттары жайгаштырылганын айтышат. Атап айтканда, аскердик эксперт Алексей Леонков Киевге шашылыш түрдө жүк ташуучу борттор менен дал ошол каражаттар ташылып жатат деп эсептейт.
Таанылбаган республикалардын Элдик милицияларынын жакындагы эле "ЕККУ миссиясынын учкучсуздары абага көтөрүлө албай, башкаруучу сигналдар украиналык тараптан басылып" жатканы туурасындагы билдирүүлөрү муну кыйыр түрдө тастыктап тургандай.
Донбасста кокус кырдаал курчуп кетсе Вашингтон Украинанын куралдуу күчтөрүнө бере турган куралдарын азырынча так атай элек. Кыязы, Пентагон Украинанын абадан коргонуу тутумун Patriot зениттик-ракеталык комплекстери менен жабдыйт көрүнөт. Киев аларды сурап жүргөнүнө көп болду.
Апрелдин ортосунда украиналык президенттин башкы кеңсесинин жетекчиси Андрей Ермак Кошмо Штаттардан Украинага "Патриотторду" жайгаштырууну талап кылгандай эле болду. Ошону менен бирге эле Украинанын куралдуу күчтөрү коргонуу тутумун "бүтүндөй Батыш үчүн" Россияга каршы кармап келерин жар салды. Мындан тышкары, киевдик бийликтин пикиринде бир нече америкалык зениттик-ракеталык комплекстер дивизиону НАТОго кирүү процессин тездетмек.
Кемеге каршы коргонуу ракеталарынан Пентагон Украинага Harpoon бирдигин бериши мүмкүн. Учуш ыраактыгы — 280 чакырым. Эске салсак, РФтин Кара деңиз флотунун кемелери эки миң чакырымдан ашуун аралыктан "Калибр" ракеталары менен залп ата алат. Ошондой эле ок атуу аралыгы 270 чакырымдан ашпаган америкалык HIMARS ыкчам-тактикалык комплекстери бөлүнүшү мүмкүн. Бул дагы 500 чакырымдан бутасын кыйраткан россиялык "Искандер-М" ыкчам-тактикалык ракеталык комплекстерине караандабайт. Булардан тышкары, Украинанын Куралдуу күчтөрүнө танкка каршы коргонуучу үчүнчү муундагы Javelin комплекстери дагы келет. Буга акча каралган.
Жети жыл бою тынбай жабдып...
Америкалыктар Донбасста жарандык согуш тутангандан тарта Украинанын Куралдуу күчтөрүн активдүү жабдып келет. Эгер ок атуучу куралдар үчүн ок-дары, зооттолгон техниканын тетиктери негизинен мурдагы соцлагерге кирген өлкөлөрдөн келсе, мүмкүн болгон кошумча жабдуулар жана атайын техникалар эң оболу Кошмо Штаттардан сатып алынат.
Эң башта Вашингтон учпай турган өндүрүмдөрдү берүү менен чектелген. 2014-жылы Киев эки миңдин тегерегиндеги бронежилет, жыйырма AN/TPQ-48A контрбатареялык күрөш станцияларын, HMMWV 35 зооттолгон автомобиль жана талаа госпиталын алган.
2015-жылы — 130 "Хаммер" жана ыкчам жүрүүчү катерден беш бирдикке ээ болгон. 2016-жылы — 14 радиолокациялык станция, эки миңден ашуун түндө көрүүчү жабдыктар, медициналык эвакуациялык варианттагы беш HMMWV зооттолгон автомобилин, RQ-11B Raven жеңил учкучсуз аппаратынан 24 комплект, ал эми 2017-жылы дагы 40 "Хаммер" жана 700 чакты радиостанция алган. 2018-жылы Пентагон Украинага учуучу — танкка каршы коргонуучу 35 FGM-148 Javelin ракеталык комплексин жана ага 210 ракета тапшырган. Анткен менен фронтко алар жете элек. Америкалыктардын айтымында, бул комплекстер жаңжалдашкан тараптар чектешкен чийиндерде пайдаланылбашы керек, ошондой эле толук кандуу "россиялык агрессия" башталса гана ташталышы кажет.
"Жавелиндерден" сырткары, 2018-жылы Пентагон Украинанын Куралдуу күчтөрүнө 2,5 миң жабдык, мина издөөчү каражаттардын партиясын, эвакуациялык "Хаммерлерди", үч контрснайпердик күрөш каражаты, ошондой эле 30 жолтандабас, эки радиолокациялык станция жана тогуз миллион долларга медициналык жабдуу берген. 2019-жылы да ошол эле деңгээлде, жалпы 361 миллион долларлык колдоо көрсөтүлгөн.
2020-жылы Вашингтон бул багытка 510 миллион сарптады. Украинага "Жавелиндердин" жаңы партиясы келди. Булардан тышкары, былтыр сентябрда АКШ Мамлекеттик департаменти Киевге 600 миллион долларга Mark VI күзөтүүчү катерлеринен 16 бирдик сатууга уруксат берген. Бирок алар качан тапшырылары айтылган жок.
