Кыргызстанга Австралиядан 2500 долларлык 102 баш кой алып келинди. Сүрөт
17:50 20.05.2021 (Жаңыртылды: 14:27 14.12.2021)
© Sputnik / Владимир Астапкович
/ Жазылуу
Дорпер породасы Африка менен Англиянын койлорун аргындаштыруудан келип чыккан. Бул койдун этин май баспайт, семирбейт. Жем-чөп тандабай жей турганы айтылды.
БИШКЕК, 20-май — Sputnik. Чүй облусунун Кемин районуна Австралиядан ар бири 2500 доллар турган 102 баш кой алып келинди. Бул тууралуу Айыл, токой жана суу чарба министрлигинин маалымат кызматы кабарлады.
1/3
© Фото / пресс-служба Министерства сельского, лесного и водного хозяйства КР
Чүй облусунун Кемин районуна Австралиядан ар бири 2500 доллар турган 102 баш кой алып келинди
2/3
© Фото / пресс-служба Министерства сельского, лесного и водного хозяйства КР
Малды Орловка айылында жайгашкан кой өстүрүү чарбасына жеке фермерлер алып келген
3/3
© Фото / пресс-служба Министерства сельского, лесного и водного хозяйства КР
Дорпер породасынын териси дүйнөдөгү эң көп керектелүүчү булгаары экени жана Cape Glovers деген аталыш менен сатыла турганы кошумчаланды.
1/3
© Фото / пресс-служба Министерства сельского, лесного и водного хозяйства КР
Чүй облусунун Кемин районуна Австралиядан ар бири 2500 доллар турган 102 баш кой алып келинди
2/3
© Фото / пресс-служба Министерства сельского, лесного и водного хозяйства КР
Малды Орловка айылында жайгашкан кой өстүрүү чарбасына жеке фермерлер алып келген
3/3
© Фото / пресс-служба Министерства сельского, лесного и водного хозяйства КР
Дорпер породасынын териси дүйнөдөгү эң көп керектелүүчү булгаары экени жана Cape Glovers деген аталыш менен сатыла турганы кошумчаланды.
Билдирмеге ылайык, малды Орловка айылында жайгашкан кой өстүрүү чарбасына жеке фермерлер алып келген.
"Дорпер породасындагы койлор сырттан келгендиктен 30 күнгө карантинге киргизилди. Бул аралыкта алар мал доктурлардын көзөмөлүндө болот. Келечекте дагы 1000 баш кой алып келүү планда бар", — деп айтылат маалыматта.
Айыл чарба министри аталган кой өстүрүү чарбасына барып, фермерлердин жумушу менен таанышкан.
"Бул чарба бодо малды асылдандыруу жана бордоп семиртүү менен алектенсе, эми койдун Дорпер породасын көбөйтмөкчү. Аталган порода Африка менен Англия койлорунун аргындашуусунан келип чыккан. Койду май баспайт, семирбейт. Эти Абердин-ангусс породасындагы букалардын этине окшош. Атайын жем-чөп тандабайт. Бир жылда эки жолу, анан дагы көбү эгиздеп төлдөйт. Тирүү салмагы 140 килограммга чейин барат", — деп жазылат маалыматта.
Дорпер породасынын териси дүйнөдөгү эң көп керектелүүчү булгаары экени жана Cape Glovers деген аталыш менен сатыла турганы кошумчаланды.
