АКШда аквариум балыктары чоңоюп, көлдөгү башка жандыктарды жеп салууда. Сүрөт
10:02 20.07.2021 (Жаңыртылды: 14:27 14.12.2021)
© Фото / Pexels / Jill Burrow
Жазылуу
Американын үч штатынын бийлиги жарандардан үйдөгү аквариумда кармалган алтын балыктарды көлгө коё бербөөнү өтүнүүдө.
БИШКЕК, 20-июл. — Sputnik. АКШда жапайы алтын балык болуп көрбөгөндөй чоңойгон. Бул тууралуу НТВ маалымат булагы жазды.
Миннесота штатындагы Бернсвилл шаарынын бийлиги алтын балыктарды жана декоративдүү карптарды дарыяга, көлгө коё бербөөнү өтүнүп, жергиликтүү тургундарга кайрылган. Аквариумда жашаган балыктар чоңоюп, тездик менен көбөйүп, экологиялык баланска жана суу жандыктарына коркунуч жаратууда.
"Айрымдар кооз балыктар жергиликтүү көлгө кошулса эч кандай зыяны жок деп ойлошот. Чындыгында андай эмес. Алар биз ойлогон көлөмдөн да чоңоюп, суудагы өсүмдүктөрдү тамырынан үзүп, суунун сапатынын бузулушуна таасир этет", — деп айтылат штаттын табигый ресурстар департаментинин билдирүүсүндө.
Please don't release your pet goldfish into ponds and lakes! They grow bigger than you think and contribute to poor water quality by mucking up the bottom sediments and uprooting plants.
— City of Burnsville (@BurnsvilleMN) July 9, 2021
Groups of these large goldfish were recently found in Keller Lake. pic.twitter.com/Zmya2Ql1E2
Буга чейин мындай эскертүүнү Вашингтон жана Виржиния штаттары беришкен. Тыюу салуу Австралия жана Канадада да бар.
