БИШКЕК, 26-июл. — Sputnik. Кармалган киши ишкерден 20 миң долларды опузалап талап кылган деп билдирди Улуттук коопсуздук мамлекеттик кызматы.
Шектүү
© Фото / пресс-служба ГКНБ КР
УКМК Бишкек шаарындагы ресторандардын биринин ээсинен уюшкан кылмыштуу топтун мүчөлөрү 20 миң доллар пара талап кылган факт боюнча Кылмыштардын жана жоруктардын бирдиктүү реестрине катталган сотко чейинки өндүрүштү териштирип жатат.
Бул факт боюнча ушул жылдын май айында 10 миң доллар алып жаткан жеринен уюшкан кылмыштуу топтун мүчөлөрү, И.Р.М. жана М.Р.А. аттуу кишилер кармалган.
"2021-жылдын 24-июлунда ыкчам издөө иш-чараларынын натыйжасында Бостери айылдагы конок үйлөрүнүн биринде бул кылмыштын башкы уюштуруучусу Б.М.М. кармалып, УКМКнын тергөө камак жайына киргизилген", — деп айтылган маалыматта.
Учурда тергөө иштери жүрүп жатат.
