БИШКЕК, 17-авг. — Sputnik. Милиция Бишкектеги Аалы Токомбаев көчөсүндөгү KFC ресторанында атышкандарды издеп жатат.
Октябрь райондук милициясы интернетте ресторандын унаа токтотуучу жайында кишилер чогулуп, атышуунун үнү угулган видео тараганын белгилешти. Окуя 8-августта болгон.
ИИБдин кызматкерлери окуя болгон жерге барып, бир катар алгачкы процессуалдык аракеттерди көрүшкөн.
Аталган факты боюнча Жазык кодексинин 266-беренеси менен ("Бейбаштык") кылмыш иши козголгон. Учурда шектүүлөр изделүүдө.
