БИШКЕК, 19-авг. — Sputnik. 20-августта күндүз тоолуу райондордо өткүн өтүп, күн күркүрөйт. Талас, Ысык-Көл жана Нарын жерлеринде жамгыр жаайт. Бул тууралуу Кыргызгидромет билдирди.
Абанын температурасы Чүй өрөөнүндө +30...+35, Таласта +27...+32, Ош, Жалал-Абад жана Баткен облустарында +32...+37, Ысык-Көлдө +22...+27 жана Нарын жергесинде +20...+25 градус болору айтылды.
Күндүн табы Бишкекте +32...+34, Ош шаарында +35...+37, ал эми Чолпон-Атада +22...+24 градуска көтөрүлөт.
